3º_Lab. Ideas: satélite artificial

Voltamos ao laboratorio de cociña para crear unha máquina que fixemos orbitar entre dentes e nos aportou enerxía.

Deste xeito integramos os satélites artificiais no lapbook de C.C. da Natureza "Comunicando: a enerxía move o mundo! Máquinas e enerxía"

Canto nos gustou!

Este nadal haberá máis dun laboratorio de cociña caseiro creando satélites artificiais para orbitar na mesa, seguro!

Gianni Rodari ( 4º EI)

 Tras dous meses de moito traballo, os peques de 3 aniños xa remataron de realizar un stopmotion adaptando o conto de Gianni Rodari: Que fai falta?

Stopmotion Rodari - Kizoa Movie Maker

3º_Lapbook C.C. Sociais

Integramos na elaboración do lapbook de C.C. Sociais, Comunicando: coidemos o noso Planeta! A Terra e o clima, varias aprendizaxes vivenciais e experimentais como os movementos da Terra e o fenómeno atmosférico as nubes.

A nosa situación xeográfica, Malpica, é un privilexio pois cada mañá podemos observar diferentes fenómenos atmosféricos e disfrutar da nosa fermosa paisaxe de costa.

Seguiremos emocionándonos aprendendo!

3º_Radio Balea 1º T.

Radio Balea acolleunos para gravar 2 seccións dentro dos programas iniciados o curso pasado: 

• Festexamos. Samaín. Historia feita co binomio fantástico de Rodari "Ollo Vermello"
• MillaInforma. Cousas que podemos facer para coidar o noso Planeta, informando do libro da sección Leo le...novidades da nosa Biblioteca Rescate Planeta de Patrick George.

Agradecemos o apoio do profesorado do Equipo de Radio para poder realizar as gravacións.

Seguiremos comunicando!

Outono de palabras, outono de pictogramas

Presentamos o producto final da actividade proposta para este mes de novembro partindo do PDI Visión 3C.

Un resumo de emocións, tan necesarias expresar, comunicar e máis ca nunca nestes tempos de incertezas.

Mais seguimos xunt@s para comunicarnos, para coidarnos, para que se nos escoite porque temos moito que contar e contamos moito: somos cidadáns, con dereitos e deberes, contribuíndo á construción dun mundo mellor. 

Seguiremos emocionándonos, comunicando, construíndo!

Día Internacional dos Dereitos da Infancia

Hoxe, 20 de Novembro, celébrase o Día Internacional dos Dereitos da Infancia, por iso, dende o CEIP Milladoiro queremos reivindicar o Dereito a unha Educación en Igualdade e de Calidade para todos e todas, e darlle así voz a tod@s os que non a teñen.

Vai sendo hora de encamiñarnos a cumprir os obxectivos da Axenda 2030 de desenvolvemento sostible nun mundo diverso. Un destes obxectivos é unha EDUCACIÓN DE CALIDADE. 

Nós tentamos, día a día, pór o noso pequeno gran de area para ir...

CONSTRUÍNDO UN MUNDO MELLOR!

 

Día Internacional dos Dereitos da Infancia from bemilladoiro on Vimeo.

XI Lecturas Terroríficas_3º

Presentamos a nosa creación co binomio fantástico de Rodari para a XI Semana das Lecturas Terroríficas, non contamos con público pero alegrounos moito poder voltar subir ao escenario da nosa Biblioteca.

Pasámolo xenial creando a historia en gran grupo e editándoa xuntos/as, faltounos o noso compañeiro Alexis por coincidir o horario da Biblioteca co día que el está no centro de E.E. por iso a nosa actuación vai adicada a el.

Esperamos compañeiros/as que a disfrutedes tanto coma nós e...FELIZ SAMAÍN, A LER SEN FIN!

XI Lecturas Terroríficas_5ºA

Os nenos e nenos de 5ºA elaboraron diferentes contos terroríficos mediante a técnica do binomio fantástico de Rodari e adamais demostraron as grandes dotes narrativas interpretando algún destes contos no Croma.

XI Lecturas Terroríficas_5º e 6º E.I.

 

 LECTURAS TERRORÍFICAS 5º e 6º EI. 

XI Lecturas Terroríficas_4º E.I.

 Debido á situación actual, este curso non podemos celebrar a Semana de Lecturas Terroríficas con actuacións na biblioteca escolar, como facíamos cada curso. Así que esta vez disfrutaremos das representacións dos compañeiros/as doutras clases na hora de Ler a través das producións subidas no blog.

Na clase de 4º EI realizamos dous contos, nos momentos de desdobre da aula, utilizando a técnica do Binomio Fantástico de Gianni Rodari, no que a historia evoluciona en función das personaxes que saen do dado, neste caso: morcegos, pantasmas, bruxas, arañas, cabazas e momias.

Esperamos que vos gusten!!!!!

A bruxa Carabuxa from bemilladoiro on Vimeo.

Expo Muller e Ciencia. 2º trimestre

Caligrama das Letras Galegas

A partir do poema de Manuel María (audio recitado pola profe Vanessa e publicado no programa Que me contas? de Radio Balea) o alumnado do CEIP Milladoiro creou uns fermosos caligramas con forma do arco da vella, xa que ademais este converteuse nun símbolo de esperanza durante esta pandemia. No seguinte vídeo tedes un resume  da creatividade dos nenos e nenas:

Mulleres na Ciencia: Mileva Maric (4º Primaria)

As nenas e os nenos de 4º E.P fixemos unha presentación na biblioteca, da muller científica que escollemos: MILEVA MARIC.

Muller na Ciencia: Marie Curie (6º Infantil)

PRESENTACIÓN ACTUACIÓN

MARIE CURIE

Muller e Ciencia: Rachel Carson (4º e 5º de E. Infantil)

O curso dos máis pequeniños, coa súa profe Dora, investigaron sobre a vida de Rachel Carson, a primeira muller recoñecida como ecoloxista. Canto aprendemos!

Muller e Ciencia: Isabel Zendal Gómez (1º e 2º)

Esta semana conmemoramos a Semana da Muller 2020 viculándoa coa Ciencia.
Por iso seguindo o noso proxecto reproducimos a biografía de Isabel Zendal no Laboratorio de Imaxe empregando a técnica croma e reutilizando os nosos disfraces de Entroido.
E velaquí o resultado que presentaremos o vindeiro xoves 12 na nosa biblioteca aos nosos compañeiros e compañeiras despois de que cantemos a canción "Isabel Zendal" dos Lunnis.
A disfrutar da primicia e esperemos que vos guste!

CIENCIAS DIVERTIDAS ( 6º EI)

Os retos da Doutora Tirita xa remataron, e por fin descubrimos que significaban as pistas que nos deixou: a imaxe de Marie Curie!!!!

Posto que cumplimos os retos moi ben, o luns deixounos na súa caixa unha carta, que limos entre todos, na que poñía que de vez en cando , como recompensa á nosa axuda, deixaría algunhas sorpresiñas para nós. Neste caso, atopamos debuxos de probetas , unhas grosas e outras estreitas, así que esta semana facemos series e xogos tendo en conta o grosor das mesmas.

DOUTORA TIRITA E PROBETAS

Os científicos/as utilizan nos laboratorios probetas de verdade, por tanto, decidimos facer experimentos na aula de cociña ( pois alí temos auga). Dividimos a aula en tres grupos, e cada un tiña dous vasos de agua iguais que tiñan que encher coa mesma cantidade de auga, e un vaso máis grande e groso para facer un trasvase da cantidade de auga dun dos vasos a este. Despois de comparar se a cantidade de auga variaba ó facer o trasvase, xogaron libremente con distintos recipientes, con xeringas e funis.

Despois, utilizando as xeringas, enchemos as probetas e botamos colorante alimenticio, para xogar coa mestura de cores.

TRASVASE DE AUGA

ENTROIDO 2020 ( 6º EI)

ANTES DO ENTROIDO

Cumplindo o 4º reto da Doutora Tirita, cada quen tivo que escoller que virus bo sería o día do entroido e o nome do mesmo, e despois facer un deseño do mesmo


                 DESEÑO DOS DISFRACES

Os disfraces fixéronse nunha cartolina con materiais reutilizados doutras actividades de clase, restos de papeis, iron fix, lá, bolsas ... E éstas pegáronse nunha bolsa branca, que despois do entroido serán utilizadas para crear mandilóns para a cociña.


XOVES 20 DE FEBREIRO

Os nenos e nenas de infantil puideron vir disfrazados de casa como quixeran, así que a primeira hora cada un deles explicou o seu disfraz e os seus detalles.
Despois, na cociña, fixemos rosquillas no forno. Cada neno/a fixo unha letra de VIVA O ENTROIDO 2020, e posto que nos gusta moito traballar con masas, antes de ir ó recreo, fixemos masas de fariña e agua para xogar con elas.

               RECEITA DO ENTROIDO

Tras merendar e ler un conto, todo o ciclo de infantil baixamos á aula de psicomotricidade, onde comemos patacas fritidas, gusanitos, galletas...e por suposto, as rosquillas que fixeramos na cociña.
Despois xogamos e bailamos sen parar!!!!

               FESTA DE DISFRACES



VENRES 21

Ese día celebramos o Entroido, así que a primeira hora comezamos a disfrazarnos e pintarnos. Unha vez estaba todo preparado , baixamos ó patio para organizar o desfile, que fixemos dende ó cole ó centro de Malpica.


                      DESFILE

Tras subir de volta en autobús, tiñamos no cole unha festa con doces típicos desta data, e á que estaban invitadas as familias. Pasámolo en grande xogando cos compis!!!!


               MERENDA E FESTA DESPOIS DO DESFILE

Quinto Laboratorio de Son (Radio Balea)

Recibimos ao quinto e último grupo de alumnado no Laboratorio de Son.
Este mes de febreiro estreamos novo programa: Que me contas?, adicado á literatura infantil e a todo aquelo que lle anda darredor.
A sección titulámola "A diversidade enriquécenos", dando continuidade ao programa emitido en xaneiro (Vacinas pola Paz) e festexando o Día Mundial da Radio adicado á diversidade.
Parabéns a todo o alumnado polo gran traballo realizado!
Picando no seguinte enlace poderedes acceder ás fotos deste laboratorio:

Quinto Laboratorio de Son 

E agora a escoitar o programa, esperemos que vos guste!

DOUTORA TIRITA E EXPERIMENTO CIENTÍFICO ( 6ºEI)

Antes de celebrar o Entroido , recibimos o último reto da Doutora Tirita, no que din que para ser auténticos/as científicos/as tiñamos que utilizar aparellos do laboratorio como lupas ou microscopios.

A comezos de xaneiro fixemos un experimento científico, cando estabamos investigando como se contaxian os virus. Ese día , á subida do patio e antes de merendar, fomos á cociña e dividimos a clase en dous grupos: o que tiña as mans sucias e o que non as lavou. Cada grupo tocou un trozo de pan de molde e meteronno nunha bolsiña, de forma que ó rematar tiñamos tres bolsas: pan tocado coas mans limpas e lavadas, pan tocado con mans sucias e pan non tocado sacado directamente do paquete orixinal.

Aproveitando o reto da Doutora Tirita , hoxe marchamos ó pequeciencias, onde miramos e comprobamos as nosas hipóteses ( o pan sucio ule mal, os virus comeron o pan, todos os pans están estropeados, haberá montañas de virus...) Tras analizar o pan vimos que o pan sucio estaba moi estropeado e tiña pinchiñas negras, pero non había rastro de moho nin virus. Así que tras saber que o pan de molde ten conservantes, decidimos esperar varios meses más e volver a comprobar como está o pan. Xa que estabamos no pequeciencias, utilizamos os microscopios para ver pel de cebola e as lupas.

FOTOS

Ciencia por un tubo: Vacinas 1º e 2º

Hoxe celebramos o noso desfile de entroido pola vila de Malpica.
O alumnado de 1º e 2º disfrazámonos, seguindo o PDI que este trimestre está adicado á ciencia, de vacinas.
O desfile estivo formado por 15 parellas de xiringas e monodoses facendo unha homenaxe á figura de Isabel Zendal e a Expedición da Vacina da Varíola.
Seguiredes sabendo máis dela, xa que estamos preparando biografía e canción final arredor desta gran muller e a súa contribución na erradicación da varíola para a semana do 9 ao 13 de marzo (Semana das Mulleres Científicas)
Para ver as imaxes do día picade no seguinte enlace:

Entroido 2020

Ciencia por un tubo. Desfile de Entroido

Cómic Mulleres científicas

Cómic Científicas

Leer más publicaciones en Calaméo

Velaí o cómic coas biografías de mulleres científicas que pon á nosa disposición a Universidade de Sevilla. Agardamos que poida servir de complemento de información a eses traballos que sabemos estades facendo nas aulas.

Guía Didáctica Científicas Cc

Leer más publicaciones en Calaméo

Cómic de mulleres científicas

Cómic Científicas

Leer más publicaciones en Calaméo

Velaí o cómic coas biografías de mulleres científicas que pon á nosa disposición a Universidade de Sevilla. Agardamos que poida servir de complemento de información a eses traballos que sabemos estades facendo nas aulas.

Guía Didáctica Científicas Cc

Leer más publicaciones en Calaméo

Libro das vacinas do Bo Trato

Con motivo da celebración do Día da Paz e do noso Proxecto sobre a Ciencia, elaboramos este Vademecum con vacinas para conseguir o mellor dos tratos posibles. Pensamos no que nos incomoda nas relacións que establecemos e inventamos vacinas para protexernos e ... vivir en PAZ. Mirade canta marabilla!

Libro Das Vacinas Do Bo Trato

Leer más publicaciones en Calaméo

GUANTES DE XEO (4º E 5º E.I.)

A pasada semana os nenos e nenas de 3 e 4 anos seguiron con seus experimentos, nesta ocasión cos procesos de transformación da auga. Para elo, meteron en guantes auga en estado líquido que despois con boliñas de cores que despois introduciron no conxelador. Para recuperar as boliñas tiveron que romper o guante e esperar a que se desconxelara.

5º RETO DA DOUTORA TIRITA ( 6º EI)

Esta vez a caixa dos retos estaba chea de cousas. A doutora Tirita dixo que o Enfadaditis estaba comezando a infectarnos e por tanto cada vez eramos menos amables, por este motivo , ademais de deixarnos a peza por superar o reto anterior, o reto da semana é ser moi amables!!!!!
Para axudarnos regalounos a vacina Cariñotrón e un cartel para solucionar os conflitos.
Temos un reto duro pero podemos facelo!!!!!


FOTOS

ANTICHIVATOSE (4º e 5º E.I.)

Para celebrar a PAZ cada clase creou un virus maligno pero tamén unha vacina para curalos. Os nenos e nenas de 3 e 4 anos explican claramente cal crearon na súa clase.

4º RETO DA DOUTORA TIRITA ( 6ºEI)

A semana pasada na caixa dos retos conseguimos unha peza máis do noso puzle, xa sospeotamos que se trata de Marie Curie.

O reto desa semana foi deseñar o disfraz de virus bo para o Entroido, e ademais poñerlle nome segundo a emoción boa que imos contaxiar. A maioría irá disfrazado do virus escollido na Semana da Paz, pero algún e algunha cambiou a emoción a contaxiar.


DESEÑO DOS DISFRACES

PROXECTO O CORPO: A VACINA DO BO TRATO ( 6º EI)

Paz e Ciencia (2º)

CIENCIA EN MOVEMENTO

O martes 28 de Xaneiro recibimos no noso centro ao equipo de Ciencia en Movemento. Esta actividade forma parte do Contato- Programa no apartado de IGUÁLA-T (accións que interveñen no fomento da coeducación, promoción da igualdade de oportunidades...).

Concretamente realizaron unha sección experimental chamada Excelentes Mulleres Científicas (E=mc2). Traballaron cos nenos e nenas de 4º, 5º e 6º E.P. as grandes científicas da historia e como os seus experimentos axudan a comprender a orixe e a evolución da vida e do universo; o descobremento dos virus, da WIFI... Podedes ver máis imaxes desta actividade premendo no seguinte botón: Iguála-T. 

Cuarto Laboratorio de Son (Radio Balea)

Iniciamos o segundo trimestre con novos grupos de alumnado e novo programa.
Como este trimestre, seguindo o noso PDI, está adicado á ciencia e no mes de xaneiro conmemoramos a Semana da Paz elaboramos guións, locutamos e editamos o programa Festexamos: Vacinas pola Paz.
Importante mensaxe a que nos transmite o alumnado: PRACTICA A PAZ!
Picando no seguinte enlace poderedes acceder á galería de imaxes deste cuarto laboratorio:

Cuarto Laboratorio de Son

Agora a escoitar o programa!

PROXECTO DO CORPO: O ENFADADITIS ( 6º EI)

Esta semana xa rematamos de crear ó noso virus ENFADADITIS. Para isto, decidimos entre todos que forma tería e gañou círculo, tamén votamos a cor e houbo moita competencia entre o rosa e vermello, pero gañou este último.

Despois determinamos que partes tería: ollos, patas, nariz, boca, cola  e pinchos. Fixemos grupos de traballo por parellas, de forma que cada unha se centrara na creación dunha parte, e unha vez todo organizado, marchamos ó Leolab, onde deron moita conta da súa imaxinación e creatividade para converter e reutilizar restos de materiais nunha obra de arte.

E ASÍ NACEU ESTE ENFADADITIS TAN SINGULAR E MONSTRUOSO!!!



O ENFADADITIS

O 3º RETO DA DOUTORA TIRITA E O VIRUS DA PAZ ( 6º EI)

O luns, na caixa dos retos da Doutora Tirita, atopamos unha nova peza do que pensamos que é un puzle e un cartel con novas preguntas que debemos responder.

RETO 3


En canto as pezas, comezamos a sospeitar de que se trata de Marie Curie, por que xa podemos ler a palabra Marie, pero aínda non está demasiado claro, teremos que seguir traballando para coñecer este misterio.
En canto ó novo reto , a doutora pídenos descubrir que é un virus e como se contaxia, e para iso :


- Investigamos na biblioteca
-  Recibimos un libro que trouxeron as nenas de 5º de Primaria, posto que sabían que estabamos investigando sobre este tema :

- Visualizamos o seguinte:












Tamén propuxo que nos convertéramos en virus bos, e que no Día Da Paz, contaxiaramos a todos de sentimentos positivos. Cada un escolleu o que máis lle apetecía:

Dania e Breixo contaxiaron calma, Anna, Valentina e Noa contaxiaron amor, Saúl apretas, Leo cosquillas, Santiago protección, Clara mimos, Marcelo e Benito alegría e Antía sorrisos.


CONTAXIANDO POLAS AULAS

CERAS DE XEO

No trimestre da ciencias os nenos e nenas da clase de 3 e 4 anos crearon ceras de xeo. Primeiro probaron a facelas de diferente maneira con auga, con alcohol, colorantes... para comprobar que elementos se conxelaban e cales non. Cal foi a sorpresa o día seguinte que as ceras de alcohol non se conxelaran, así que soamente puidemos pintar coas de auga, que fría estaban e que rápido se derretían. Podedes ver todas as fotos premendo no seguinte enlace: ceras de xeo.

PROXECTO O CORPO: 2º RETO DA DOUTORA TIRITA ( 6º EI)

O luns, ó chegar a clase, descubrimos na caixa dos retos da Doutora Tirita dúas cousas: unha peza que non identificamos, pero parece ser un puzle e unha nova proposta.

Esta vez temos que inventar un Violentovirus e unha menciña, ademais de contestar a unha pregunta moi doada: que precisamos para ver un virus?

Para escoller o nome do noso violentovirus, primeiro decidimos que contaxiaría, para iso votamos entre Enfado, medo ou tristura, e gañou o enfado. Despois escollemos o nome entre varias ideas propostas polos peques: Enfadaditis, Enfadadolloritis, Enfadotán, Enfadococo, Enfadomáis, Enfadodonta e Enfadatodo. Entre todas elas , e tras unha dura votación, escollimos O VIRUS ENDADADITIS.

Despois cada un debuxou como se imaxina a este virus.

ENFADADITIS


Pero todavía quedaba crear unha menciña. Para iso decidimos crear unha vacina e tivemos propostas moi interesantes: Enfadido, Quitavirus, Cordaatrapavirus, Pinchadavirus, Escudomenciña, Vacinavirus e Cariñotrón. Trala votación gañou Cariñotrón, e entre todos engadimos os ingredientes:
- 4 corazóns
- 5 respiracións
- 6 flores
- 1 clase de Yoga
- 100ml amor
- 6 minutos falando



RETO 2

PROXECTO DO CORPO : RETO 1 DA DOUTORA TIRITA ( 6º EI)

O martes, ó chegar a clase, descubrimos a caixa da Doutora Tirita na que plantexa un reto. Fixémolo moi ben, pero xurdiu unha dúbida : que é un VIRUS?

Uns dicían que eran prateados, outros que eran anticuerpos, que son xigantes, que son minis, que son vermellos, negros, que morden, teñen pinchos...así que subimos á radio a facer unha tertulia sobre os virus.

Agora estamos á espera de saber que pista e que reto teremos a próxima semana!!!!!!

RETO 1

PROXECTO SOBRE O CORPO (6ºEI)

A DOUTORA TIRITA