Vai sendo hora de encamiñarnos a cumprir os obxectivos da Axenda 2030 de desenvolvemento sostible nun mundo diverso. Un destes obxectivos é unha EDUCACIÓN DE CALIDADE.
Nós tentamos, día a día, pór o noso pequeno gran de area para ir...
Esta é a bitácora do Proxecto Documental Integrado do CEIP Milladoiro de Malpica para os cursos 2019/20 e 2020/21. Nela recolleremos a visión nítida de TOD@S: comunicando,experimentando, creando! Construíndo un mundo mellor!
20/11/20
Día Internacional dos Dereitos da Infancia
Hoxe, 20 de Novembro, celébrase o Día Internacional dos Dereitos da Infancia, por iso, dende o CEIP Milladoiro queremos reivindicar o Dereito a unha Educación en Igualdade e de Calidade para todos e todas, e darlle así voz a tod@s os que non a teñen.
27/10/20
XI Lecturas Terroríficas_3º
Presentamos a nosa creación co binomio fantástico de Rodari para a XI Semana das Lecturas Terroríficas, non contamos con público pero alegrounos moito poder voltar subir ao escenario da nosa Biblioteca.
Pasámolo xenial creando a historia en gran grupo e editándoa xuntos/as, faltounos o noso compañeiro Alexis por coincidir o horario da Biblioteca co día que el está no centro de E.E. por iso a nosa actuación vai adicada a el.
Esperamos compañeiros/as que a disfrutedes tanto coma nós e...FELIZ SAMAÍN, A LER SEN FIN!
XI Lecturas Terroríficas_5ºA
Os nenos e nenos de 5ºA elaboraron diferentes contos terroríficos mediante a técnica do binomio fantástico de Rodari e adamais demostraron as grandes dotes narrativas interpretando algún destes contos no Croma.
XI Lecturas Terroríficas_4º E.I.
Debido á situación actual, este curso non podemos celebrar a Semana de Lecturas Terroríficas con actuacións na biblioteca escolar, como facíamos cada curso. Así que esta vez disfrutaremos das representacións dos compañeiros/as doutras clases na hora de Ler a través das producións subidas no blog.
Na clase de 4º EI realizamos dous contos, nos momentos de desdobre da aula, utilizando a técnica do Binomio Fantástico de Gianni Rodari, no que a historia evoluciona en función das personaxes que saen do dado, neste caso: morcegos, pantasmas, bruxas, arañas, cabazas e momias.
Esperamos que vos gusten!!!!!
A bruxa Carabuxa from bemilladoiro on Vimeo.
30/09/20
Comunicando Fantasía, emocionámonos!
Proposta de actividades do 1º trimestre para integrar nas programacións de aula.
Animémonos a alimentar a fantasía, a xogar, a imaxinar, a emocionarnos, a crear: lendo, falando, escribindo, escoitando coa nosa orella verde porque...hai moito que contar!
Por un trimestre comunicando,
por un trimestre fantástico!
por un trimestre fantástico!
Subscribirse a:
Publicacións (Atom)