Esta é a bitácora do Proxecto Documental Integrado do CEIP Milladoiro de Malpica para os cursos 2019/20 e 2020/21. Nela recolleremos a visión nítida de TOD@S: comunicando,experimentando, creando! Construíndo un mundo mellor!
Presentamos o vídeo-resumo dos lapbooks de Ciencias elaborados ao longo do 2º trimestre.
Os contidos dos lapbooks enriquecéronse coa implementación dos diferentes laboratorios de aprendizaxe mensuais ou con visitas como a xornada de surfing, entre outros.
Seguimos transformando a información en coñecemento a través da experiencia, da educación!
Hoxe estivemos investigando que comen as aves, a verdade é que as nosas hipóteses xa eran moi acertadas pero fixemos un xogo moi divertido, tíñamos que meter a man sen mirar nunha bolsa e se queríamos comelo. Ao principio estaban un pouco asustados porque pensaban que eran gusanos de verdade pero resultaron ser gusanitos e pequenas gominolas de froitas. Podedes ver as fotos premendo no seguinte enlace: comida de paxaros.
Despois fumos a cociña a preparar uns gusanos de froitas moi especiais porque a base era de chocolate e porque tamén traballamos a lóxica-matemática xa que as froitas seguían unha serie. Podedes ver as fotos premendo no seguinte enlacea: gusanos.
Ao longo do mes de febreiro, ademais do Entroido, desenvolvemos o Laboratorio de Son para coñecer a vida e obra de Rosalía de Castro e establecer comunicación epistolar coa nosa querida e ilustre escritora.
Os extraordinarios produtos finais: cartas para o mural colectivo e podcasts Que me contas? Cartas a Rosalía, amosan o mundo de emocións que estamos a vivir coa pandemia sendo máis necesario ca nunca a súa expresión: oral e/ou escrita.
Picando na imaxe accederedes ao álbum de fotos do mural colectivo que se vai conformando con todas as cartas escritas e na columna dereita deste blog atoparedes todos os podcast recollidos no programa Que me contas?
Na seguinte listaxe de enlaces poderedes acceder ás publicacións dos diferentes grupos-aula no blog de ciclo ou na canle de Radio Balea:
Parabéns a todas/os polos vosos fermosos agasallos a Rosalía no día do seu aniversario: a palabra ten vida a través da vosa escrita, das vosas tenras voces.
Sentimentos e emocións en cada renglón!
Este ano tocou un entroido diferente, un entroido especial onde quixemos homenaxear aos nosos heroes e as nosas heroínas coa marabillosa canción de Paco Nogueiras
Os nenos e as nenas son un exemplo a seguir co seu comportamento, coa súa actitude e co seu cumprimento das normas sen cuestionar os motivos.
Son uns auténticos Superheroes e Superheroínas!
Este mes de febreiro, co gallo da celebración do Día de Rosalía de Castro (24 de febreiro), imos desenvolver o Laboratorio de Son arredor da escritora.
Picando na imaxe accederedes a unha listaxe de recursos en liña para poder coñecer a Rosalía e establecer comunicación espistolar con ela, reflectindo as nosas emocións, como nos sentimos; tendo en conta que Rosalía é emoción en estado puro.
Na columna dereita deste blog e no blog DígochoEu! permanecerá activo o enlace aos recursos.
No corredor do 1º andar, xa está dispoñible a nova exposición "Leo le...LETRAS GALEGAS!", que recolle, principalmente, obras de Rosalía de Castro para coñecela a través da súa biografía, da súa escrita.
Que medre o noso coñecemento, o noso sentimento arredor de Rosalía e as súas letras!
As lecturas compartidas son un dos produtos finais do Laboratorio Documental implementado ao longo deste mes de xaneiro e que nos levou a crear/actualizar recursos dixitais coma:
Picando nos enlaces da seguinte listaxe poderedes acceder aos diferentes vídeos, enlaces que se irán activando segundo as aulas vaian publicando as súas lecturas no blog de ciclo ao longo desta Semana da Paz:
Parabéns a todas/os polos vosos agasallos en forma de ricas lecturas de vida: convivencia, diversidade, amor, amizade, igualdade, respecto, paz; que enriquecen o noso mundo interior e exterior.
