Semana da Paz e Lab. Documental

Dende o venres 29 de xaneiro ata o xoves 4 de febreiro conmemoramos a Semana da Paz a través de contos valorados, lecturas compartidas.

As lecturas compartidas son un dos produtos finais do Laboratorio Documental implementado ao longo deste mes de xaneiro e que nos levou a crear/actualizar recursos dixitais coma:

• Formación de Usuari@s
• Guía de Usuari@s, tamén en formato papel para todo o alumnado e o profesorado.

Picando nos enlaces da seguinte listaxe poderedes acceder aos diferentes vídeos, enlaces que se irán activando segundo as aulas vaian publicando as súas lecturas no blog de ciclo ao longo desta Semana da Paz:

• 4º E. Infantil: Hasta que podamos abrazarnos.
• 5º-6º E. Infantil: Hasta que podamos abrazarnos.
• 1º E. Primaria: Avós.
• 2º E. Primaria: A mellor sopa do mundo.
• 3º E. Primaria: Lendas do recreo. A media hora dos heroes.
• 4º E. Primaria: Contos por teléfono.
• 5ºA E. Primaria: Migrantes.
• 5ºB E. Primaria: Valados.
• 6º E. Primaria: Rosa caramelo

Parabéns a todas/os polos vosos agasallos en forma de ricas lecturas de vida: convivencia, diversidade, amor, amizade, igualdade, respecto, paz; que enriquecen o noso mundo interior e exterior.

Cociñando con-Ciencia

BE_PDI&Ciencia_2ºT.2020-21

Leer más publicaciones en Calaméo

Iniciamos nova travesía, 2º trimestre, coa proposta de actividades que enlazan as diferentes conmemoracións cos laboratorios de aprendizaxe LeoLab.

Seguindo o noso PDI anual Visión 3C: Comunicación, Ciencia e Creatividade, este trimestre imos navegar Cociñando con-Ciencia: experiencias literarias, pacíficas, radiofónicas,  físicas, químicas, culinarias...experiencias de vida!

Vento nas velas e a seguir vogando xuntos/as, contra vento e marea, nun mar de aprendizaxes.

A por un trimestre cociñando

a por un trimestre con-Ciencia!

Leo e...as caixas Rodari!

Que ledicia, unha marabilla ver as vosas miradas de ilusión ao recibir a caixa-agasallo de cada unha das aulas!

Agradecer ao voso profesorado as imaxes tan bonitas e a dinamización da última actividade que vos propuxen. Picando na imaxe accederedes á galería de fotos feitas polos vosos mestres/as.

Felicitarvos unha vez máis polos creativos e imaxinativos produtos finais ao longo do trimestre.

Sei que non está sendo fácil, pero a vosa motivación por vivir o voso colexio, a vosa biblioteca supera calquera obstáculo.

Felices festas e feliz 2021!

Bicos salgados.

Leo.

O gatiño presumido. Comunicando Fantasía, emocionámonos!

O alumnado de 2º de primaria son os creadores deste divertido conto titulado O gatiño presumido, unha versión libre inspirada no conto clásico A ratiña presumida.

Esta actividade forma parte da homenaxe que quixemos facer este trimestre ao gran Gianni Rodari dentro das propostas de actividades promovidas polo Equipo de Biblioteca/DL: Comunicando Fantasía, Emocionámonos! e Leo e as caixas Rodari. 

Parabéns artistas!

3º_Lab. Ideas: satélite artificial

Voltamos ao laboratorio de cociña para crear unha máquina que fixemos orbitar entre dentes e nos aportou enerxía.

Deste xeito integramos os satélites artificiais no lapbook de C.C. da Natureza "Comunicando: a enerxía move o mundo! Máquinas e enerxía"

Canto nos gustou!

Este nadal haberá máis dun laboratorio de cociña caseiro creando satélites artificiais para orbitar na mesa, seguro!

Gianni Rodari ( 4º EI)

 Tras dous meses de moito traballo, os peques de 3 aniños xa remataron de realizar un stopmotion adaptando o conto de Gianni Rodari: Que fai falta?

Stopmotion Rodari - Kizoa Movie Maker

3º_Lapbook C.C. Sociais

Integramos na elaboración do lapbook de C.C. Sociais, Comunicando: coidemos o noso Planeta! A Terra e o clima, varias aprendizaxes vivenciais e experimentais como os movementos da Terra e o fenómeno atmosférico as nubes.

A nosa situación xeográfica, Malpica, é un privilexio pois cada mañá podemos observar diferentes fenómenos atmosféricos e desfrutar da nosa fermosa paisaxe de costa.

Seguiremos emocionándonos aprendendo!